უმრავლესობის წევრი ირაკლი კობახიძე დამოუკიდებელი დეპუტატის, ეკა ბესელიას კანონპროექტს სასამართლო სისტემაზე სპეკულარულს უწოდებს.
მისი თქმით, ეკა ბესელია გახდა ქომაგი იმ ადამიანების, რომელბიც „ნაციონალური მოძრაობის“ წარსულთან არიან დაკავშირებულები.
„ეს არის სპეკულარული პროექტი. ჩვენ ვიცით, რომ ბესელია უკვე გახდა ღია ქომაგი „ნაციონალური მოძრაობის“, ნიკა რურუასი, გიგი უგულავასი და სხვების. ზოგადად, ყველა იმ ადამიანის, ვინც ძალიან მძიმედ არიან დაკავშირებული „ნაცმოძრაობის“ კრიმინალურ პოლიტიკურ წარსულთან. აქედან გამომდინარე, ბუნებრივია, მისგან არ მიკვირს ასეთი სპეკულაციური დადგენილების პროექტის ინიცირება. მეტ კომენტარს ამაზე არ გავაკეთებ“,- განაცხადა კობახიძემ.
ეკა ბესელიას მიერ პარლამენტში შეტანილი კანონპროექტის თანახმად, უზენაესი სასამართლოს მოსამართლედ იუსტიციის საბჭოს მოქმედი ან ყოფილი წევრის არჩევა, რომლის უფლებამოსილების შეწყვეტიდან 1 წელი არაა გასული, კანონით დაუშვებელი უნდა იყოს.
