„სოლიდარობა ირაკლი ფანგანს”, “არა უკანონო პატიმრობას”, “ნუ იქნები ბათუმელი მურუსიძე”- ამ პლაკატებით ბათუმის საქალაქო სასამართლოსთან “გაერთიანებული ოპოზიციის” წევრები და მხარდამჭერები, ასევე ოპოზიციური არასამთავრობო ორგანიზაციების აქტივისტები ირაკლი ფანგანის მხარდამჭერ აქციას მართავენ ბათუმის საქალაქო სასამართლოსთან. აწ წუთებში საქალაქო სასამართლოში ირაკლი ფანგანის სასამართლო პროცესი მიმდინრეობს.
“წინასწარ არაფერი არ ვიცი, მოსამართლე რას გადაწყვეტს. დამნაშავედ თავს არ ვგრძნობ. გუშინაც ვთქვი, დამნაშავე არ ვარ. მე ეს იმიტომ გავაკეთე, რომ ჩემს თანამევრძოლებს შეურაცხყოფა მიაყენა, სამი თვე დღე და ღამე აქციებზე ვიყავით. ამ ადამიანმა გამოიარა, შეურაცხყოფა მიაყენა ყველას და მეც ავიღე და დავაყარე ნაგავი თავზე. თუ კიდევ ასეთი რამ განმეორდება, პირადად მე ისევ იგივეს გავაკეთებ”- განაცხადა ირაკლი ფანგანმა პროცესზე შესვლის დროს.
შეგახსენებთ, “ალტერნატივას წევრმა ირაკლი ფანგანმა უმაღლესი საბჭოს დეპუტატს თავზე ნაგავი დააყარა.
ავტორი: ნაირა ქობულაძე
