ირანმა კვლავ წამოიწყო ურანის 20%-მდე გამდიდრების პროცესი ბირთვულ ობიექტზე ქალაქ ფორდოში. ამის შესახებ სააგენტო Mehr-ი იუწყება.
ხელისუფლება წელიწადში ასეთი 120 კილოგრამის წარმოებას გეგმავს წელიწადში.
თეირანში აცხადებენ, რომ ამის შესახებ საქმის კურში უკვე ჩააყენეს ბირთვული ენერგეტიკის საერთაშორისო სააგენტო.
ხელისუფლება აცხადებს, რომ თუკი 2015 წლის შეთანხმებაში მონაწილე ქვეყნები ისევ გააგრძელებენ ვალდებულებების შესრულებას მომდევნო 3 თვის განმავლობაში, თეირანმა შეიძლება უარი თქვას გამდიდრებული ურანის წარმოებაზე.
შეგახსენებთ, რომ დონალდ ტრამპის გაპრეზიდენტებისთანავე აშშ-მა შეთანხმებიდან გასვლა მოითხოვა და თეირანი მის დარღვევაში დაადანაშაულა. ოფიციალურად ეს 2020 წლის გაზაფხულზე გაფორმდა. მაშინ ვაშინგტონმა ცალმხრივად აღადგინა სანქციები ირანზე. თეირანი და ევროპული ქვეყნები აცხადებდნენ, რომ შეეცდებოდნენ შეთანხმების შენარჩუნებას.
ტრამპის უფლებამოსილება 20 იანვარს შეწყდება. მისი მემკვიდრე, არჩეული პრეზიდენტი ჯო ბაიდენი მანამდე აცხადებდა, რომ ის ირანთან მოლაპარაკებებს აღადგენდა.
ბირთვული შეთანხმების თანახმად, ირანი უარს ამბობდა ურანის გამდიდრებაზე 3,67%-ზე მეტად. უკანასკნელ თვეებში მან გაზარდა გამდიდრების მაჩვენებელი, თუმცა ამ დრომდე 4,5 პროცენტისთვის არ გადაუჭარბებია.
