ცოტა ხნის წინ განცხადება გაავრცელა ისრაელის საგარეო საქმეთა სამინისტრომ. უწყება დუშეთის მუნიციპალიტეტში, შატილის გზაზე მომხდარ ავტოსაგზაო შემთხვევას გამოეხმაურა.
„ისრაელი უსამძიმრებს საქართველოში შატილის გზაზე მომხდარი ტრაგიკული შემთხვევის დროს გარდაცვლილთა ოჯახებს. ვუსურვებთ სწრაფ და სრულ გამოჯანმრთელებას ყველა დაშავებულს.“ წერია განცხადებაში.
შეგახსენებთ, შატილის გზაზე მგზავრებით სავსე მიკროავტობუსი დაახლოებით 80 მეტრის სიმაღლიდან გადავარდა. შედეგად გარდაიცვალა 17, ხოლო მძიმედ დაშავდა 3 ადამიანი. დაშავებულები პირველ საუნივერსიტეტო კლინიკაში არიან გადაყვანილები.
