საერთშორისო სავალუტო ფონდის ხელმძღვანელობა კორონავირუსული კრიზისის დასრულების შემდეგ, გლობალური ფისკალური რეფორმის ინიციატივით გამოდის. ინფორმაციას Reuters-ი ავრცელებს.
საერთაშორისო სავალუტო ფონდის მმართველი დირექტორის მოადგილის, მიცუჰირო ფურუსავას განცხადებით, ჯანდაცვის კრიზისზე მთავრობების რეაგირების შემდეგ, ისტორიაში პირველად, გლობალური სახელმწიფო ვალი საერთო მთლიანი შიდა პროდუქტის 100 პროცენტს აღემატება.
„როდესაც ეკონომიკა დაუბრუნდება ძველ გზას, უნდა შეიქმნას საშუალო და გრძელვადიანი ფისკალური ჩარჩო, რომლის მიხედვითაც მოხდება სახელმწიფო ფინანსების მართვა. ეს იქნება ჩვენი პოლიტიკის რეკომენდაციების უდიდეს პრიორიტეტებს შორის“, – განაცხადა ფურუსავამ.
