საქართველოს იუსტიციის მინისტრის მოადგილედ სოსო გიორგაძე დაინიშნა. იგი საქმიანობას პირველი ოქტომბრიდან შეუდგება. იუსტიციის სამინისტროს ინფორმაციით, საქართველოს პრემიერ-მინისტრის გადაწყვეტილება უკვე გამოცემულია.
„საქართველოს იუსტიციის სამინისტროს სისტემაში სოსო გიორგაძე 2013 წლიდან მუშაობს. სხვადასხვა დროს ის ხელმძღვანელობდა მოქალაქეობისა და მიგრაციის სამსახურს, შემდგომ სახელმწიფო სერვისების განვითარების სააგენტოს, ხოლო 2019 წლის ივნისიდან დღემდე იუსტიციის სახლის აღმასრულებელი დირექტორის თანამდებობას იკავებს.
საქართველოს იუსტიციის მინისტრ თეა წულუკიანისა და მისი პირველი მოადგილის, მიხეილ სარჯველაძის გადადგომის შემდეგ, პირველი ოქტომბრიდან, სოსო გიორგაძე იუსტიციის მინისტრის მოადგილის რანგში საჯარო სერვისების მიმართულების კურატორი იქნება“,- აღნიშნულია იუსტიციის სამინისტროს ინფორმაციაში.
სოსო გიორგაძე აქამდე იუსტიციის სახლის აღმასრულებელი დირექტორი იყო.
