ახალ წელთაღრიცხვას გვთავაზობენ: ბიძინამდე და შემდეგ. ტყუილია. ბიძინა არსად წასულა. “ის აქ არის“, – ამის შესახებ პოლიტიკური მოძრაობა „ტრიბუნას” წევრი კოტე კემულარია აცხადებს.
„ნაცვლიშვილი-კობახიძის შეგონება “ბიძინას როდესაც ვერ ხედავთ, მაშინაც თქვენთან არის”, უკვდავია.
ახლა ბიძინას “გამარჯვებაზე”:
პანდემიის საბაბით მიტაცებული ნასესხები და ჩვენი შვილების გასასტუმრებელი მილიარდები; განწირული მცირე ბიზნესი, ველური კორუფცია, ცარიელი ხაზინა; ყაჩაღური საკრედიტო პოლიტიკით გაძარცული და ვალაუვალი მოსახლეობის 67 პროცენტი. დიდწილად ახალგაზრდობა; დანგრეული სოციალური და ჯანდაცვა; ერთპარტიული, კომუნისტური ვითომ პარლამენტი, მიწასთან გასწორებული ინსტიტუტები; ოკუპანტთან უნისონში ნაწარმოები საგარეო პოლიტიკა; ეს არის ბიძინას საკუთარ ხალხზე “სასტიკი გამარჯვების” არა სრული ნუსხა.
ამ “გამარჯვებისაგან” პასუხისმგებლობას ხანდაზმულობის ვადა არ აქვს. ნაცვლიშვილმა-კობახიძემ ხომ დაგვამუნათეს, “ბიძინას რომ ვერ ხედავთ, ის მაინც თქვენთან არისო”. ეს ბიძინას პოლიტიკიდან წასვლა ნამდვილად არ არის. მის ხელისუფლებიდან გაცილებას ვადამდელი სამართლიანი არჩევნები სჭირდება.
ამაზე უკვე ამერიკის ახალი ხელისუფლებაც ალაპარაკდა. ეს ჩვენი გასაკეთებელია და ერთად დგომით 2021 ში ამას აუცილებლად შევძლებთ. ეს არის მთავარი. ამაყი რატომ არის, ეს კიდევ ცალკე საკითხია“, – აცხადებს კემულარია.
