თუ შეთანხმება არ შედგა, ეს არ ნიშნავს, რომ მივდივართ და რევოლუციას ვაწყობთ, ჩვენ ამას კატეგორიულად ვეწინააღმდეგებით, ისევე როგორც ელჩებზე თავდასხმას, – ამის შესახებ “ლელოს” ერთ-ერთმა ლიდერმა მამუკა ხაზარაძემ “ტვ პირველის” ეთერში განაცხადა.
მისივე თქმით, ის ივანიშვილთა ბრძოლის პარალელურად სააკაშვილის რევოლუციურ მოწოდებებსაც წინ აღუდგება.
“ის, რომ ბიძინა ივანიშვილის რეჟიმს ვებრძვით და გვინდა, რომ სახელმწიფო ინსტიტუტები გამოვტაცოთ მის ერთპარტიულ მმართველობას, არ ნიშნავს იმას, რომ მიხეილ სააკაშვილის რევოლუციურ მოწოდებებს წინ არ აღვუდგებით…”, – განაცხადა ხაზარაძემ.
