ჯანდაცვის მსოფლიო ორგანიზაცია წლის ბოლომდე, აფრიკისთვის კორონავირუსის ვაქცინის 600 მილიონი დოზის მიწოდებას გეგმავს. ინფორმაციას CNN ავრცელებს.
ხუთშაბათის კონფერენციაზე გაირკვა, რომ აფრიკისთვის, ვაქცინის თავდაპირველი ნაკადი – 30 მილიონი დოზა, ხელმისაწვდომი მარტისთვის იქნება.
იქიდან გამომდინარე, რომ თითო ადამიანს ვაქცინის ორი დოზა ესაჭიროება, წლის ბოლოსთვის, აფრიკის მოსახლეობის 20%-ის ვაქცინაციაა მოსალოდნელი.
„ჯანდაცვის სფეროში მომუშავეებსა და სხვა მარტივად მოწყვლად ჯგუფებს, უსაფრთხო და ეფექტური კორონავირუსის ვაქცინებთან სასწრაფო წვდომა ესაჭიროებათ. უსამართლოა, როდესაც ის აფრიკელები, რომლებსაც ყველაზე მეტად სჭირდებათ ვაქცინა, იძულებულები ხდებიან იქამდე დაელოდონ, სანამ მდიდარი ქვეყნების დაბალ რისკჯგუფთა წარმომადგენლები, უკვე იცრებიან“ – განაცხადა აფრიკის ქვეყნებში “ჯანმოს” რეგიონული ბიუროს დირექტორმა, მატშიდისო მოეტიმ.
მან დაამატა ისიც, რომ აფრიკაში, თავდაპირველად, სწორედ ჯანდაცვის სფეროში მომუშავე ადამიანები და სხვა პრიორიტეტული ჯგუფების წარმომადგენლები აიცრებიან.
