„გლობალურად ჩვენ ისევ საშიშ სიტუაციაში ვართ,- ამის შესახებ ჯანდაცვის მსოფლიო ორგანიზაციის გენერალურმა დირექტორმა, ტედროს ადჰანომ გებრეიესუსმა განაცხადა.
„გლობალურად ჩვენ ისევ საშიშ სიტუაციაში ვართ. ვირუსის ახალი ვარიანტების გავრცელება, გაზრდილი სოციალური აქტივობები, შეზღუდვების შემსუბუქება და ვაქცინების არათანაბარი განაწილება – ეს ყველაფერი ვირუსის გავრცელებას ხელს უწყობს.
დიახ, ვაქცინები ადამიანებს იცავს კოვიდის მძიმე ფორმებისაგან და ამცირებს სიკვდილიანობას იმ ქვეყნებში, რომლებსაც ვაქცინების საკმარისი რაოდენობა აქვთ. ვაქცინებზე წვდომის შოკისმომგვრელი გლობალური უთანასწორობა პანდემიის დასრულებისთვის ერთ-ერთ უდიდეს რისკად რჩება“,- აცხადებს ჯანმოს ხელმძღვანელი.
