“ხანდახან უნდა გავმიჯნოთ ჩვენი პოლიტიკური დღისწესრიგი უფრო მთავარი, საერთო ეროვნული იდეებისგან, არ შეიძლება მიზანმიმართული დისკრედიტაცია ჩვენი პოლიციის, ჯარის, სახელმწიფო ინსტიტუტების”, – ამის შესახებ პრემიერ-მინისტრობის კანდიდატმა, ირაკლი ღარიბაშვილმა პარლამენტში, ფრაქცია „ქართული ოცნების“ სხდომაზე განაცხადა.
“კიდევ ერთხელ უნდა შევახსენო საზოგადოებას, რომ ჯარი, ერთ-ერთი ყველაზე მაღალი რეპუტაციის მქონე ინსტიტუცია, ეკლესია, პოლიცია და ასე შემდეგ, სახელმწიფო ინსტიტუტები არის ხელშეუხებელი მეგობრებო. ჩვენ გვჭირდება საერთო ეროვნული კონსესუსი, რომ მიუხედავად პოლიტიკური განსხვავებებისა, მე ძალინ მწყინს და არ მიკვირს რომ ჩვენ ოპონენტებს ასეთი დესტრუქციული პოლიტიკა აქვთ, ხანდახან უნდა გავმიჯნოთ ჩვენი პოლიტიკური დღისწესრიგი უფრო მთავარი, საერთო ეროვნული იდეებისგან, არ შეიძლება მიზანმიმართული დისკრედიტაცია ჩვენი პოლიციის, ჯარის, სახელმწიფო ინსტიტუტების”, – თქვა ირაკლი ღარიბაშვილმა.
