ეს არის ტყუილი, – ასე ეხმაურება „პრაიმტაიმთან“ საუბრისას პარლამენტის ვიცე-სპიკერი, კახა კუჭავა გავრცელებულ ინფორმაციას, რომ შესაძლოა, აშშ-მ  საქართველოს ფინანსური დახმარება შეუჩეროს.

მისივე თქმით, სიცრუე ასევე ისიც, რომ პროექტი კონგრესმა განიხილა.

„სამწუხაროდ, ინფორმაცია გავრცელდა, რომ კონგრესში ეს გადაწყვეტილება მიიღეს. ტყუილია! ტყუილია ისიც, რომ ვითომ კონგრესმა განიხილა. საუბარია ერთ-ერთი კომიტეტის, ქვეკომიტეტში დაინცირებულ კანონპროექტზე. ის, რომ ჯერ განხილვამდე მივიდეს  ძალიან დიდი დრო დასჭირდება. ხოლო ვიცით, რომ წლის ბოლოს ისედაც ანულირდება ეს კანონპროექტი. არა თუ იმედი, მოლოდინიც გვაქვს, რომ ეს ნათელ შუქს ვერ ნახავს,“- აცხადებს კახა კუჭავა.

ცნობისთვის, ამერიკის შეერთებული შტატების კონგრესში 2021 წლის საგარეო ოპერაციების დაფინანსების კანონია წარდგენილი, სადაც ნათქვამია, რომ საქართველო 2021 წელს დახმარების სახით არანაკლებ 132 025 000 აშშ დოლარს მიიღებს.

გაწერილია დახმარების წინაპირობაც. კონკრეტულად, ამ თანხის 15%-ის საქართველოსთვის გადაცემა შესაძლოა შეჩერდეს იქამდე, სანამ აშშ-ს სახელმწიფო მდივანი არ გადაწყვეტს, რომ საქართველოს მთავრობა შესაბამის ნაბიჯებს დგამს კორუფციასთან ბრძოლის, დემოკრატიული ინსტიტუტების გაძლიერების, კერძო სექტორში კანონის უზენაესობის და საერთაშორისოდ აღიარებული სტანდარტების დაცვის კუთხით.