„კახეთის რეგიონში, 8 კოვიდ ინფიცირებული პაციენტი გამოჯანმრთელდა“,- ამის შესახებ დაავადებათა კონტროლის ცენტრის კახეთის განყოფილების ხელძღვანელმა განაცხადა.

ნელი ხიზანიშვილის ინფორმაციით, გამოჯანმრთელებული ადამიანები, ბინაზე იმყოფებიან.

„9 სექტემბრიდან დღემდე, კახეთის ექვს მუნიციპალიტეტში, დაფიქსირებული კორონავირუსის შემთხვევებიდან, 8 პირი უკვე გამოჯანმრთელდა. ისინი შესაბამის კოვიდკლინიკებში მკურნალობდნენ. მათ შორის არის 14 წლის მოზარდი ლაგოდეხიდან, რომელიც უკვე ბინაზე იმყოფება. თუმცა, ჯერ სკოლაში არ გამოცხადებულა. გამოჯანმრთელებულები ყველა სახლშია და რეგულაციებით გათვალისწინებული დროის გასვლის შემდეგ, ჩვეულებრივ ცხოვრებას დაუბრუნდება“,- განაცხადა ხიზანიშვილმა.

დღევანდელი მდგომარეობით, კახეთის რეგიონის ექვს მუნიციპალიტეტში, კორონავირუსით ინფიცირების 52 შემთხვევაა გამოვლენილი. ჯერჯერობით კახეთის ორ მუნიციპალიტეტში, საგარეჯოსა და თელავში,  კოვიდ-19-ით დაავადების არცერთი ფაქტი არ გამოვლენილა.

ავტორი: ხათუნა გულიაშვილი