ყვარლის მუნიციპალიტეტის ერთ-ერთ სოფელში, ახალი კორონავირუსით, შუა ხნის ასაკის ცოლ- ქმარი დაინფიცირდა.
წინასწარი ინფორმაციით, მათ კოვიდ-19, თბილისიდან ჩასული შვილისგან გადაედოთ.
ინფიცირებულებთან კონტაქტში მყოფი პირები, ეპიდემიოლოგებმა თვითიზოლაციაში გადაიყვანეს.
ოჯახური ინფიცირების სამი შემთხვევა გამოვლინდა თელავშიც. 30 წლამდე ასაკის და- ძმა, მამისგან დაინფიცირდა.
კოვიდ-19 დაუდგინდა ახალგაზრდა ცოლ-ქმარსაც, რომლებიც სამკურნალოდ ბინაზე იმყოფებიან. მათი ინფიცირების წყარო, მანამდე გამოვლენილი შემოსავლების სამსახურის თანამშრომელია.
კორონა ვირუსითაა დაინფიცირებული თელავში მცხოვრები ერთ-ერთი ოჯახის ოთხი წევრიც, რომლებსაც კოვიდ- 19, ასევე შემოსავლების სამსახურის ერთ-ერთი თანამშრომლისგან გადაედო.
დღევანდელი მდგომარეობით, კახეთის მუნიციპალიტეტებში ყველაზე მეტი, 45 ინფიცირებული თელავშია.
მთლიანად რეგიონში, კორონა ვირუსის 181 დადასტურებული შემთხვევაა გამოვლენილი.
ავტორი: ხათუნა გულიაშვილი
