კანადა ტურისტებისთვის ქვეყანაში შესვლაზე შეზღუდვებს 21 იანვრამდე ახანგრძლივებს, თუმცა შეზღუდვა ამერიკის შეერთებულ შტატებზე არ ვრცელდება. ინფორმაციას გამოცემა „გარდიანი“ ქვეყნის მთავრობაზე დაყრდნობით ავრცელებს.
ამავე ცნობით, შეზღუდვების გახანგრძლივების მიზანი პანდემიის გავრცელების შეჩერებაა.
ამასთან, აშშ-დან კანადაში ჩამსვლელებისთვის შეზღუდვები ძალაში 21 დეკემბრამდე დარჩება, თუმცა კანადის ჯანდაცვის მინისტრის თქმით, მოგვიანებით შესაძლოა, თარიღმა გადაიწიოს.
აკრძალვა არ ეხება კანადის მოქალაქეებს, კანადაში მუდმივ მცხოვრებლებსა და აუცილებელი საჭიროების მქონე მოგზაურებს.
