„პრინციპში საფრთხე უკვე აღარ ემუქრება კანონპროექტს და მესამე მოსმენაზეც მიიღებს კანონპროექტი მხარდაჭერას“,- ამის შესახებ დამოუკიდებელმა დეპუტატმა, თამარ ჩუგოშვილმა განაცხადა.
მისი თქმით, დღევანდელი კენჭისყრა საკმაოდ სარისკო იყო.
„დღევანდელი კენჭისყერა იყო საკმაოდ სარისკო. მიუხედავად იმისა, რომ ოპოზიციის ნაწილი არ შემოვიდა კენჭისყრაზე, რაც არასწორი იყო, მიხარია, რომ სხდომათა დარბაზში აღმოჩნდა საკმარისი ხმები. ჩვენ პირადად არც ხელისუფლებას და არც ოპოზიციას არ მივეცით საშუალება, რომ ჩაეგდოთ ცვლილებები. პრინციპში საფრთხე უკვე აღარ ემუქრება კანონპროექტს და მესამე მოსმენაზეც მიიღებს კანონპროექტი მხარდაჭერას“- განაცხადა ჩუგოშვილმა.
ცნობისთვის, დღეს პარლამენტში მეორე მოსმენით საკონსტიტუციო ცვლილებებს მხარი დაუჭირეს. კანონოპროექტს 115-მდა დეპუტატმა დაუჭირა მხარი. კენჭისყრაში მონაწილეობა არ მიუღიათ „ნაციონალურ მოძრაობას“ და „ევროპულ საქართველოს“.
ასევე ნახეთ: მამუკა მდინარაძე ამბობს, რომ ოპოზიცია 8 მარტის შეთანხმებიდან გავიდა
