N5 პენიტენციურ (ქალთა) დაწესებულებაში ჩატარებული სწრაფი ანტიგენის ტესტით შემოწმების საფუძველზე, ორ ბრალდებულს, რომელთაც ინფიცირებულ ექთანთან კონტაქტი ჰქონდათ, „კოვიდ-19“ დაუდასტურდა. ინფორმაციას სპეციალური პენიტენციური სამსახური ავრცელებს.
მათივე ცნობით, ინფიცირებულები მედპერსონალის მეთვალყურეობის ქვეშ იმყოფებიან და შესაბამის სამედიცინო მომსახურებას სამოქალაქო სექტორის კლინიკაში იღებენ.
„რაც შეეხება ინფიცირებული პირების კონტაქტებს, მოხდა მათი შემოწმება „პისიარ“ ტესტებით და ყველა პასუხი უარყოფითია. მიუხედავად ამისა, ისინი მედპერსონალის მეთვალყურეობის ქვეშ იმყოფებიან იზოლაციაში, დაწესებულებაში არსებულ საკარანტინო სივრცეში, რომელსაც ორი კვირის შემდეგ, განმეორებითი „პისიარ“ ტესტირების შედეგად დატოვებენ“, – ნათქვამია განცხადებაში.
