დღეს დედაქალაქში კორონავირუსის 277 ახალი შემთხვევა დაფიქსირდა. როგორც ინფექციური საავადმყოფოს ბოქსირებული განყოფილების დირექტორი, მარინა ენდელაძე განმარტავს, დღეს ინფექციის შემთხვევებმა თბილისში შედარებით იკლო. ყველაზე მეტი მაჩვენებელი, 342 შემთხვევა, ისევ აჭარაში ფიქსირდება.
მარინა ენდელაძე ყველას რეგულაციების დაცვისკენ მოუწოდებს.
ბოლო მონაცემებით, საქართველოში კორონავირუსის 887 ახალი შემთხვევა დაფიქსირდა, ასევე გამოჯანმრთელდა 246 ადამიანი, ხოლო გარდაიცვალა 11.
კარანტინის რეჟიმში იმყოფება 5721 ადამიანი, სტაციონალური მეთვალყურეობის ქვეშ 836.
