„კოვიდ რეგულაციების შემსუბუქება ვირუსისთვის ერთგვარი „მოსაწვევია“, რათა უფრო სწრაფად გავრცელდეს“,- ამის შესახებ ამერიკელმა ეპიდემიოლოგმა, მინესოტას ინფექციური დაავადებების კვლევის ცენტრის დირექტორმა, მაიკლ ოსტერჰოლმმა განაცხადა.
ინფორმაციას ამის შესახებ CNN-ი ავრცელებს.
„ველოდები, რომ მომავალი ორი კვირის განმავლობაში ჩვენს ქვეყანაში კორონავირუსის ახალი შემთხვევების რაოდენობა მოიმატებს. მოხდება ის, რაც ახლა ევროპასა და შუა აღმოსავლეთში ხდება. რასაც ახლა შტატების გუბერნატორები აპირებენ (კოვიდ რეგულაციების შემსუბუქება) ვირუსისთვის ერთგვარი „მოსაწვევია“, რათა უფრო სწრაფად გავრცელდეს“,- განაცხადა ოსტერჰოლმმა.
შეგახსენებთ, რომ ტეხასისა და მისისიპის შტატების ხელისუფლებამ განაცხადა, რომ 10 მარტიდან პირბადის ტარების ვალდებულება გაუქმდება.
