ალფა, ბეტა, გამა, დელტა – ეს კოვიდის შტამების არასრული ჩამონათვალია. პანდემიის დაწყებიდან თითქმის 19 თვის თავზე მსოფლიო ახალი გამოწვევების წინაშე დგას.
კოვიდის შტამებს მეცნიერები დაკვირვებით და დიდი სიფრთხილით სწავლობენ. ზოგიერთი მათგანი არც ისეთი საშიშია როგორ ჩანს. თუმცა, ამას ყველაზე ვერ ვიტყვით.
დღესდღეობით მსოფლიოში განსაკუთრებით დელტა შტამი დომინირებს, რომელიც ვირუსის სხვა ვარიანტებთან შედარებით, უფრო ინფექციურია და სწრაფად ვრცელდება.
თუმცა, მანამდე სანამ, საერთაშორისო საზოგადოების ყურადღება დელტა ვარიანტისკენაა მიმართული, მეცნიერების წინაშე ახალი, კოვიდის ლამბდა შტამია.
Lambda coronavirus variant – CSIRO: The Lambda variant has an eclectic set of mutations, many of which appear to be immune evasions — that is, allowing the virus to evade a person’s immune response. https://t.co/FTL1bXmxfJ
— @tetralympus (@dragonsaerie) July 15, 2021
|რა არის ლამბდა შტამი
ჯანდაცვის მსოფლიო ორგანიზაციის (WHO) ინფორმაციით, კორონავირუსის ლამბდა შტამი (C.37) პირველად პერუში 2020 წლის აგვისტოში აღმოაჩინეს. მიუხედავად ამისა, კოვიდის მორიგმა მუტაციამ მეცნიერების ყურადღება მხოლოდ ბოლო პერიოდში მიიპყრო.
14 ივნისს ჯანდაცვის მსოფლიო ორგანიზაციამ (WHO) კოვიდის ლამბდა შტამი ე.წ. „საყურადღებო ვარიანტის“ კატეგორიას მიაკუთნა.
„ლამბდა შტამი დაკავშირებულია ქვეყნებში კოვიდის შემთხვევების მატებასთან“,-ნათქვამია WHO-ს მიერ ივნისში გავრცელებულ განცხადებაში.
GISAID-ის მონაცემებით, ამ დროისთვის ლამბდა შტამი 29 ქვეყანაშია გამოვლენილი.
According to a recent @WHO report, the lambda variant of #COVID19 has been found in 29 countries. While it might be more transmissible than the original variant, there is little evidence suggesting that it is more dangerous. Here’s what we know: https://t.co/vS9Q0Inbg2
— Gavi, the Vaccine Alliance (@gavi) July 20, 2021
|რამდენად საშიშია
WHO-ს ინფორმაციით, ლამბდა ვარიანტს უამრავი მუტაცია აქვს და გარკვეული გართულებებით ხასიათდება. მაგალითად ისეთებით, როგორიცაა სწრაფად გავრცელება და ანტისხეულების განეიტრალება. თუმცა, მეცნიერები ლამბდა ვარიანტის შესწავლის პროცესში არიან და ამიტომ ჯერჯერობით დაზუსტებით არაფრის თქმა არ შეგვიძლია.
|ეფექტურია თუ არა ვაქცინები ლამბდა შტამის მიმართ
მეცნიერები კვლევის პროცესში არიან. სავარაუდოდ, ამაზე პასუხი უახლოეს მომავალში გახდება ცნობილი.
მომზადებულია CNBC-ის, Euronews-ისა და BBC-ის მიხედვით
ავტორი: ნინი ტაველიძე, საინფორმაციო სააგენგო PTN.ge
