საქართველოს ჯანდაცვის მინისტრის მოადგილის თამარ გაბუნიას ინფორმაციით, ჯანდაცვის სამინისტროს სადაზღვევო კომპანიებთან აქტიური მუშაობა ჰქონდა და მთავრობის დადგენილებაში გაკეთდა ინიცირება, რითიც განისაზღვრა სადაზღვევო კომპანიების ვალდებულება კოვიდინფექციასთან მიმართებით.
„ერთი, პაციენტის ფორმირების კუთხით და მეორე, იმ სერვისების მიწოდების თვალსაზრისით, რასაც სახელმწიფო პროგრამის ფარგლებში პაციენტები იღებენ ოჯახის ექიმებისგან და ასევე შემთხვევის მართვის კუთხით.
ამ მიმართულებით დღეს უკვე დაიწყო, სადაზღვეო კომპანიების ოჯახის ექიმების ტრენინგი ანუ ის მექანიზმი რომელიც არსებობს საყოველთაო ჯანდაცვის პროგრამაში ჩართული ბენეფიციარებისთვისაც ამოქმედდება, ამ შემთხვევაში საუბარი მაქვს ონლაინ კონსულტაციის მოდელზე და მიმდინარე მეთვალყურეობაზე.
სხვა დანარჩენ სერვისებთან დაკავშირებით, ჩვენ ვმუშაობთ სადაზღვეო კომპანიებთან იმისთვის, რომ დაზღვეულ პირს – კოვიდინფიცირების შემთხვევას ჰქონდეს ადექვატური დაფარვა სამედიცინო სერვისით, ისე როგორც ეს ხდება სახელმწიფო პროგრამის ფარგლებში”,- განაცხადა თამარ გაბუნია.
მისივე თქმით, დღეს ქვეყანაში გარდაცვალების ყველაზე მაღალი მაჩვენებელი დაფიქსირდა.
„სტატისტიკური მაჩვენებელი კვლავაც საყურადღებოა, შემთხვევების რაოდენობა მაღალი რჩება. აჭარაში გვაქვს გარკვეული მერყეობა, რაც შემთხვევების აქტიურ გავრცელებას მიუთითებს.
საყურადღებოა გარდაცვალების შემთხვევები, დღეს ქვეყანაში ყველაზე მაღალი იყო, რაც აქამდე დაფიქსირებულა. აჭარაში 8 შემთხვევა დაფიქსირდა, უმრავლესობა შემთხვევების მძიმე ფონური ქრონიკული დაავადებების მქონე პაციენტებში, რა თქმა უნდა ყველა შემთხვევა საყურადღებო და სამწუხაროა“,- აღნიშნა მინისტრის მოადგილემ.
