აშშ-ის ალერგიისა და ინფექციური დაავადებების ცენტრის დირექტორმა, ენტონი ფაუჩიმ განაცხადა, რომ კორონავირუსის შემთხვევების ზრდისა და აშშ-ის ზოგიერთ ნაწილში ვაქცინაციის შენელების გამო, აშშ-ში დეკემბრისთვის კორონავირუსს 100 ათასი ადამიანი შეიძლება ემსხვერპლოს.
„ჩვენ ვიცით, რომ ვაქცინებთან ერთად გვაქვს იმის საშუალება, რომ ეს სიტუაცია შევცვალოთ. ეს რიცხვი საგანგაშოა, რადგან ამ ქვეყანაში დაახლოებით 80 მილიონი ადამიანი ვაქცინირებული არ არის. შეგვიძლია ეს შევცვალოთ და გავაკეთოთ ეფექტურად და სწრაფად, თუ ამ ადამიანების აცრას შევძლებთ. ეს იმდენად მნიშვნელოვანია, რომ ამ კრიზისში მყოფმა ადამიანებმა გვერდზე უნდა გადადონ ნებისმიერი იდეოლოგიური და პოლიტიკური უთანხმოება და უბრალოდ აიცრან“, – აღნიშნა აშშ-ის ალერგიისა და ინფექციური დაავადებების ცენტრის დირექტორმა.
