დიდ ბრიტანეთში ჩატარებული კვლევის მიხედვით, AstraZeneca-ს ან Pfizer-BioNTech-ის კორონავირუსის საწინააღმდეგო ვაქცინების Moderna-ს ვაქცინასთან კომბინაცია უკეთეს იმუნურ პასუხს უზრუნველყოფს.
ინფორმაციას Reuters-ი ავრცელებს.
კვლევის შედეგების თანახმად, იმ ადამიანებს, რომლებმაც AstraZeneca-ს ან Pfizer-BioNTech-ის ვაქცინების პირველი დოზა მიიღეს, ხოლო 9 კვირის შემდეგ, მეორე დოზის სახით Moderna-ს ვაქცინით აიცრნენ, უკეთესი იმუნური პასუხი გამოუმუშავდათ.
„მართლაც კარგი იმუნური პასუხი დავაფიქსირეთ. ფაქტობრივად, უფრო მაღალია, ვიდრე Oxford-AstraZeneca-ს ვაქცინის ორი დოზით დადგენილი ზღვარი“, – განაცხადა ოქსფორდის უნივერსიტეტის პროფესორმა, მეთიუ სნეიპმა.
