აშშ-ში ჩატარებული მასშტაბური კვლევის შედეგების მიხედვით, Oxford University/AstraZeneca-ს კორონავირუსის ვაქცინა სიმპტომური დაავადების წინააღმდეგ 79%-ით ეფექტურია.
ინფორმაციას ამის შესახებ Guardian-ი ავრცელებს.
კვლევამ ასევე დაადასტურა, რომ AstraZeneca-ს ვაქცინა მძიმე ან კრიტიკული დაავადებისა და ჰოსპიტალიზაციის წინააღმდეგ 100%-ით ეფექტურია.
კვლევაში მონაწილეობას 32 000 ადამიანი იღებდა. ისინი განსხვავებულ ასაკობრივ ჯგუფს მიეკუთვენოდნენ.
კომპანიის განცხადებით, ისინი უახლოეს მომავალში ვაქცინის დასამტკიცებლად აშშ-ის სურსათისა და წამლის ადმინისტრაციას მიმართავენ.
