„ლეიბორისტული პარტიის“ ქუთაისის მერობის კანდიდატს #37-ე საარჩევნო უბანთან სცემეს.
ირაკლი კიკვაძე ამბობს, რომ მას და მის მხარდამჭერებს „ოცნების“ აქტივისტები დაუპირისპირდნენ.
„ჩვენმა წევრმა დამირეკა, რომ დარღვევას ჰქონდა ადგილი და მივედი საარჩევნო უბანში. იქ დაგვესია „ოცნების“ ათობით წარმომადგენელი, თვალი მაქვს დაზიანებული. 30-მდე კაცმა მცემა”, – ამბობს ირაკლი კიკვაძე.
„ლეიბორისტული პარტიის“ და „ოცნების“ წარმომადგენლებს შორის ხმაური და დაპირისპირება ქუთაისის #37-ე საარჩევნო უბანზე მოხდა. ირაკლი კიკვაძე ამბობს, რომ მის წარმომადგენელს უბანში მუშაობის პროცესში ხელს უშლიდნენ, რის გამოც თავად მივიდა ადგილზე.
ამ დროისთვის „ლეობორისტული პარტიის“ ქუთაისის მაჟორიტარი დეპუტატობის კანდიდატი ქუთაისში პოლიციიის მეხუთე განყოფილებაში გადაჰყავთ.
შინაგან საქმეთა სამინისტროს პრესამსახურში აცხადებენ, რომ საარჩევნო უბნებში დაფიქსირებულ დარჩღვევებზე უწყება განცხადებას 15:00 საათზე გააკეთებს.
დღეს, 31 ოქტომბერს საქართველოში საპარლამენტო არჩევნები მიმდინარეობს. ამომრჩეველთა ერთიან სიაში სულ 3 205 634 ამომრჩეველია რეგისტრირებული. ქვეყნის მასშტაბით გახსნილია 3 657 საარჩევნო უბანი. იმ ამომრჩევლებისთვის, რომლებიც იმყოფებიან სამკურნალო დაწესებულებებში, კარანტინსა და თვითიზოლაციაში, ცალკე დამატებით შეიქმნა 127 სპეციალური საარჩევნო უბანი.
არჩევნებში 48 პოლიტიკური პარტია და ორი საარჩევნო ბლოკი მონაწილეობს.
ყველა ინფორმაცია საპარლამენტო არჩევნებთან დაკავშირებით ნახეთ ამ ბმულზე
ავტორი: კესო მოლაშხია
