„ლელოს“ ზუგდიდის ოფისის მენეჯერმა თენგიზ ქოჩუამ თანამდებობა და „ლელოს“ რიგები უკვე დატოვა. ამის შესახებ ინფორმაცია მან თავად გაავრცელა.
„დღეს 2020 წლის 22 დეკემბერს, როცა „ლელოს“ 1 წლის იუბილეა, სრულიად გულწრფელად და საუკეთესო სურვილებით ვულოცავ ყველა „ლელოელს“ ამ ღირშესანიშნავ თარიღს. დღეს, ზუსტად ამ დღეს მინდა პატარა განცხადებით მოგმართოთ.
ბოლო პერიოდში სრულიად მიზანმიმართულად მოხდა „ლელო-ზუგდიდის“ და პირადად ჩემს მიმართ ბინძური კამპანიის აგორება. ეს იმდენად ამაზრზენი ფაქტი იყო, რომ არ მინდა ამდენი ტყუილ-მართლის ერთმანეთში აღრევა. არ მინდა ვიღაცის ბინძური თამაშების გამო ვინერვიულო, არ მინდა პირადად მე და ჩემი ოჯახი იმის ფიქრში იყოს, თუ კიდევ ახალი სიბინძურეები ვის თავში მოიხარშება. მივიღე გადაწყვეტილება, დავტოვო „ლელო-ზუგდიდის“ ოფისის მენეჯერის თანამდებობა. ვინაიდან არავითარი თანამდებობა ჩემთვის არასდროს იყო თვითმიზანი.„ლელო“ ერთი დიდი ოჯახია. „ლელო“ საუკეთესო გუნდია და იმედია „ლელო“ საუკეთესო იქნება. დღეს, 1 წლის იუბილეზე გტოვებთ „ლელოელებო“ ,- ამბობს თენგიზ ქოჩუა.
ქოჩუა ზუგდიდის მაჟორიტარი დეპუტატის ალექსანდრე ახვლედიანის საარჩევნო შტაბის უფროსი იყო.
ავტორი: თეა შონია
