პარტია „რესპუბლიკური პარტიის“ ერთ-ერთი დამფუძნებელი პარტიის დატოვების პარალელურად, პოლიტიკიდანაც მიდის, ამის შესახებ ბერძენიშვილმა „პრაიმტაიმნიუსთან“ საუბრისას განაცხადა. როოგრც მან განაცხადა, ის საგანმანათლებლო სფეროში მოღვაწეობას გააგრძელებს.
„მე მასწავლებელი და პროფესორი ვარ. 43 წელია, რაც პედაგოგი ვარ. ვასწავლი სამ უნივერსიტეტში. მაქვს რადიო და ტელე გადაცემა. ვწერ წიგნებს, ასე, რომ მე უსაქმოდ არ დავრჩები“,- განაცხადა ბერძენიშვილმა.
აღსანიშნავია, რომ ბერძენიშვილმა პარტია და პოლიტიკა თანაპარტიელებთან განხეთქილების გამო დატოვა. როგორც ბერძენიშვილმა „პრაიმტაიმნიუსთან“ საუბრისას განაცხადა, ის არ ეთანხმება „რესპუბლიკური პარტიის“ მიერ პარლამენტის იმ წევრებთან ფრაქციის შექმნას, რომლებიც მისთვის მიუღებელია.
ასეთი ფრაქცია სახელწოდებით “შარლ მიშელის რეფორმების ჯგუფი” გუშინ შეიქმნა, რომელშიც ერთიანდებიან: ხათუნა სამნიძე, გიორგი ვაშაძე, პაატა მანჯგალაძე, ტარიელ ნაკაიძე, თეონა აქუბარდია, ზურა ჯაფარიძე და გრიგოლ ვაშაძე.
პოლიტიკური მოღვაწეობის მანძილზე, ლევან ბერძენიშვილი პოლიტიკურ პროცესებში აქტიურად იყო ჩართული. ის 2004-2008 წლებში „ნაციონალური მოძრაობა – დემოკრატების“ ბლოკით საქართველოს მე-6 მოწვევის პარლამენტის წევრი გახლდათ.
2012-2016 წლებში კი ბიძინა ივანიშვილის პარტიას შეუერთდა და დეპუტატის მანდატი კიდევ ერთხელ მოირგო.
2016 წელს ბერძენიშვილმა, პარტიის სხვა წევრებთან ერთად, „ქართული ოცნების“ კოალიცია დატოვა და ოპოზიციურ “ერთობას” შეუერთდა. ბოლო წლების განმავლობაში ბერძენიშვილი ბიძინა ივანიშვილის ხელისუფლებას მწვავედ აკრიტიკებდა.
ხოლო რაც შეეხება “ნაციონალურ მოძრაობას”, ერთ-ერთი განცხადების თანახმად, ბერძენიშვილმა ამ პარტიის ლიდერსა და საქართველოს ყოფილ პრეზიდენტს, მიხეილ სააკაშვილს რუსეთის სპეცსამსახურებთან თანამშრომლობაში დადანაშაულება აპატია.
ავტორი: ეკატერინე ზარნაძე
