ლიეტუვის საგარეო საქმეთა სამინისტრო Twitter-ის ოფიციალურ გვერდზე წერს, რომ გმობენ ცხინვალის ე.წ. სასამართლოს გადაწყვეტილებას, რომელიც არღვევს ცეცხლის შეწყვეტის შესახებ შეთანხმებას და ეწინააღმდეგება ევროსასამართლოს განაჩენს.
„ლიეტუვის საგარეო საქმეთა სამინისტრო მკაცრად გმობს რუსეთის მიერ კონტროლირებადი სამხრეთ ოსეთის ე.წ. სასამართლოს განაჩენს. ესაა 2008 წლის ცეცხლის შეწყვეტის შესახებ შეთანხმებისა და ევროპის ადამიანის უფლებათა სასამართლოს 21 იანვრის განაჩენის აშკარა დარღვევა. ლიეტუვა საქართველოს სუვერენიტეტისა და ტერიტორიული მთლიანობის ერთგული რჩება“ – აღნიშნულია განცხადებაში.
