დე ფაქტო სამხრეთ ოსეთში მყოფი მალხაზ ვანიშვილი, რომლის შესახებაც ვრცელდებოდა ინფორმაცია, რომ თითქოს, მან საკუთარი ნებით თქვა საქართველოს მოქალაქეობაზე უარი და დე ფაქტო მთავრობას „მოქალაქეობის“ მიღების თხოვნით მიმართა, საქართველოს ცენტრალური ხელისუფლების მიერ კონტროლირებად ტერიტორიაზე იმყოფება.
ვანიშვილი ოკუპირებული რეგიონიდან გამოიქცა. იგი ამჟამად პოლიციის შენობაში იმყოფება გამოკითხვაზე.
ამის შესახებ ინფორმაცია „პრაიმტაიმნიუსს“ სახელმწიფო უსაფრთხოების სამსახურში დაუდასტურეს.
„ვადასტურებთ, რომ მალხაზ ვანიშვილი საქართველოს ცენტრალური ხელისუფლების მიერ კონტროლირებად ტერიტორიაზე იმყოფება. იგი ამჟამად პოლიციის შენობაში, გამოკითხვაზეა, რის შემდეგაც, თვითიზოლაციაში გადავა“, – აცხადებენ უწყებაში.
