თბილისის პოლიციის ერთ-ერთი განყოფილებიდან გადმომხტარი მამაკაცი ამ დრომდე კლინიკაში, მართვით სუნთქვაზეა.
ექიმის თქმით, დაშავებულს სხეულის მრავლობითი დაზიანებები აქვს მიღებული და მისი მდგომარეობა უკიდურესად მძიმეა.
შემთხვევა გუშინ, დღის ბოლოს წერეთლის გამზირზე მოხდა. 46 წლის მამაკაცი განყოფილებაში ყოფილი მეუღლის საჩივრის საფუძველზე შემაკავებელი ორდერის გამოწერის მიზნით დაიბარეს. პროცედურების მიმდინარეობის დროს ის მოულოდნელად შენობის მეორე სართულიდან გადახტა.
მომხდართან დაკავშირებით, სახელმწიფო ინსპექტორის სამსახურმა სავარაუდო სამსახურეობრივი გულგრილობის მუხლით დაიწყო. საგამოძიებო მოქმედებები შემთხვევის ადგილზე გვიანობამდე მიმდინარეობდა.
