როცა გენდერულ თანასწორობაზე ვმუშაობდი, ბევრს გენდერი და ტენდერი ერეოდა, – ამის შესახებ „პატრიოტთა ალიანსის” წევრმა ადა მარშანიამ დღეს რიგგარეშე სხდომაზე განაცხადა.
„ამ საკითხმა განიცადა მეტამორფოზა. ეს მწყინს და ეს არის მიუღებელი. ადრე გენდერი ნიშნავდა თანასწორობას, ბალანსს მამაკაცებთან ერთად. ახლა ამ ცნებაში ყველაფერია ჩაყრილი. გაუგებარია გენდერული თანასწორობა რა არის. მამაკაცთა და ქალთა თანასწორობაა, თუ კიდევ რაღაც ფანტაზიებია… კოლეგა მამაკაცების საყურადღებოდ ვამბობ, აქ ასე არ დგას საკითხი, რომ თქვენ დაგვითმოთ სიაში ადგილი, ან ჩვენ რაღაც ადგილს გართმევთ სიაში. აქ ბალანსირება უნდა მოხდეს. მიმაჩნია, რომ როგორც დროებითი მექანიზმი, იმისთვის, რომ ამ საკითხში დაბალანსებას მივცეთ ბიძგი და აკუმულირება მოხდეს იმის, რომ სია დაბალანსებული იყოს, ამისთვის ვიღებთ კანონს“, – აღნიშნა მარშანიამ.
ცნობისთვის, ამ წუთებში, პარლამენტის რიგგარეშე სესიაზე საარჩევნო კოდექსში ცვლილებების პროექტს განიხილავენ.
