დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორის მოადგილის, პაატა იმნაძის თქმით, კიბერთავდასხმისასვერავინ ვერფერს მოიპარავდა, რადგან ლუგარის ცენტრში საიდუმლო ექსპერიმენტებს არ ატარებენ.
„მაგათი არ გვეშინია, რადგანაც ჩვენ აქ რაიმე საიდუმლო ექსპერიმენტები არ გვაქვს და შესაბამისად, ვერაფერს მოიპარავდნენ. მეორეც, მე არ მაწუხებს ქვეყნის გარედან რას აკეთებენ. მე მაწუხებს ის, რომ ქვეყნის შიგნიდან გვიტევენ.
გარედანაც და შიგნიდანაც ერთნაირად გვიტევენ, მიჩვეულები ვართ მაგას. მაგისთვის არ გვცალია ახლა, COVID-სვებრძვით და ჩვენი საქმე ეგ არის,” – აცხადებს იმნაძე.
დღეს, 3 სექტემბერს საქართველოს შინაგან საქმეთა სამინისტრომ გაავრცელა ინფორმაცია, რომ ჯანდაცვის სამინისტროს კომპიუტერულ სისტემაზე უცხო ქვეყნის სპეცსამსახურების მიერ კიბერშეტევა განხორციელდა.
უწყებაში აღნიშნეს, რომ მართლსაწინააღმდეგოდ დაეუფლნენ ლუგარის ლაბორატორიის მონაცემებსაც, რაც ამ დროისთვის ერთ-ერთ უცხოურ ვებ-გვერდზე ხელმისაწვდომია.
