შატილის გზაზე მომხდარი ავარიის დროს დაშავებულების მდგომარეობა კვლავ მძიმეა, თუმცა სტაბილური. ამის შესახებ პირველი საუნივერსიტეტო კლინიკის დირექტორმა, ლევან რატიანმა განაცხადა.
როგორც იგი ამბობს, ამ დროისთვის უარყოფითი დინამიკა არ ვლინდება.
„ამ ეტაპზე სამივე პაციენტის მდგომარეობა რჩება კვლავ მძიმე, თუმცა მინდა გითხრათ, რომ ორ მათგანთან ვინარჩუნებთ წნევას ამწევი საშუალებების გარეშე. სამივე იმყოფება ხელოვნურ ვენტილაციაზე. კველევის მიხედვით, უარყოფითი დინამიკა არ ვლინდება. ამ ეტაპზე შეიძლება ითქვას, რომ მათი მდგომარეობა სტაბილურია. რამდენიმე დღეში, ალბათ ორ მათგანს ჩაუტარდება სახის ძვლების რეკონსტრუქციული ოპერაცია“, – განაცხადა რატიანმა.
შეგახსენებთ, შატილის გზაზე მგზავრებით სავსე მიკროავტობუსი დაახლოებით 80 მეტრის სიმაღლიდან გადავარდა. შედეგად გარდაიცვალა 17, ხოლო მძიმედ დაშავდა 3 ადამიანი.
შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ის 276-ე მუხლით დაიწყო.
ნახეთ: შატილის ტრაგედიას გადარჩენილი სამი გოგო – ვინ არიან და რას ამბობენ მედიკოსები მათზე
