აუცილებელი იყო საკუთარი სამხედრო ძალებისთვის ომის დაწყების დაბრალება? ამის გარეშე ოკუპაცია შემდგარი ფაქტი არ იყო? – ამის შესახებ მამუკა მდინარაძე სოციალურ ქსელში წერს. ფრაქცია „ქართული ოცნების“ თავმჯდომარე აღნიშნავს, რომ ყოფილი ხელისუფლების წარმომადგენლები „რეზოლუციის სხვა ნაწილით იმიტომ იმართლებენ თავს, რომ იქ სიტყვა ოკუპაცია წერია“.
„მე-4 და მე-6 პუნქტები წაიკითხეთ და მთლიანად რეზოლუციასაც გადაავლეთ თვალიო… კი ბატონო. მე-4 პუნქტში წერია, 2008 წლის 7 აგვისტოს დაიწყო ომიო და მეხუთე პუნქტშივე საქართველოს სამხედრო ძალებს დააბრალეს ამ ომის დაწყება… მე-6 პუნქტი იმით იწყება, რომ თითქოს რუსეთის შეტევა იყო საპასუხო.
რეზოლუციის სხვა ნაწილით იმიტომ იმართლებენ თავს, რომ იქ სიტყვა ოკუპაცია წერია და რუსების ბევრი სხვა დანაშაულიც, მაგრამ რა – წინა პუნქტებში რაც წერია, იმის საპირწონეა??? აუცილებელი იყო საკუთარი სამხედრო ძალებისთვის ომის დაწყების დაბრალება??? ამის გარეშე ოკუპაცია და რუსეთმა რაც ჩაიდინეს, შემდგარი ფაქტი არ იყო? ისე ვერ მოხვდებოდა რეზოლუციაში თუ სხვა საერთაშორისო სამართლებრივ დოკუმენტებში?!
დიახ, ეგ არ იყო ომის დასაწყისი, მაგრამ მაინც დააბრალეს, ტყუილზე მოუწერეს ხელი!..
და ბოლოს, სიტყვა აღიარებას ასე ნურავინ ეთამაშება, არავის უხსენებია! ეს არა აღიარება, არამედ ტყუილი, დაბრალება და ღალატია!!!
სწორედ ეს დავამტკიცეთ სტრასბურგში და გავიმარჯვეთ კიდეც, საქართველომ გაიმარჯვა რუსეთის წინააღმდეგ! პირიქით, სხვა უამრავ მტკიცებულებასთან ერთად იქით დავუდეთ მტკიცებულებად ისკანდერის ფრაგმენტი, რომელიც, სხვათა შორის, 2013 წლამდე არავის გახსენებია და მოუკითხავს!…
მიუხედავად ქვეყნის შიდა თუ გარე მტრებისა, საქართველო ყოველთვის გაიმარჯვებს!“ – წერს მდინარაძე.
„ევროპული საქართველოს“ ერთ-ერთმა ლიდერმა, სერგი კაპანაძემ სოციალურ ქსელში დაწერა, რომ: „არავინ უარყოფს, რომ ქართულმა მხარემ ცხინვალი დაბომბა და კასეტური ბომბები გამოიყენა“
