ხანდახან გულწრფელი თანაგრძნობაც კი მიჩნდება ხოლმე ნიკა მელიას მიმართ, იმდენად დააკნინა „ნაცმოძრაობამ“ მისი, როგორც პოლიტიკოსის როლი, იმდენჯერ გადაათქმევინეს თავისი ნათქვამი, – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა.
მისი თქმით, „ნაცმოძრაობის“ გეგმის მიხედვით, ნიკა მელია გმირი უნდა გამხდარიყო, თუმცა საკუთარმა პარტიამ დაამცირა.
„ნაციონალური მოძრაობის” ქმედებების სამომავლო მოლოდინებთან დაკავშირებით ვერსიების განხილვას ვერ დავიწყებ, უპროგნოზო პოლიტიკური ძალა გახდა. თავისი თავი შეიყვანეს ჩიხში ისევე, როგორც უნდოდათ, ნიკა მელიას პატიმრობის საკითხი ყოფილიყო რაღაც რევოლუციური ქმედებების წინ წამძღოლი და ამ ადამიანის თავმოყვარეობაზე გაიარეს. ხანდახან გულწრფელი თანაგრძნობაც კი მიჩნდება ხოლმე, იმდენად დააკნინეს მისი, როგორც პოლიტიკოსის როლი, იმდენჯერ გადაათქმევინეს თავისი ნათქვამი და იმდენი აბსურდული რამე ათქმევინეს. ნიკა მელია, რომელიც მათი გეგმის მიხედვით უნდა გამხდარიყო გმირი და მანდელას დონეზე აეყვანათ, სასტიკად დაამცირეს და ცუდად მოექცნენ. ახლა ამ ჩიხში არიან“, – განაცხადა მამუკა მდინარაძემ.
