“მედკაპიტალის” დირექტორის, ზურაბ ჯაფარიძის განცხადებით, კლინიკის თანამშრომელი ექიმის გარდაცვალება ვაქცინაციას არ უკავშირდება.

“15 მარტიდან დავიწყეთ ვაქინაცია ჩვენივე დაწესებულებაში და ქალბატონს აქვს თექვსმეტ მარტს გაკეთებული, მე და ჩემი კოლექტივი მის გარდაცვალებას ვაქცინაციას ვერ ვუკავშირებთ იმიტომ, რომ 16 რიცხვში აცრილი პაციენტი 26 რიცხვამდე სამსახურში დადიოდა. 26 მარტს გავიდა ბიულეტენში, შემდეგ თბილისის ერთ-ერთ კლინიკაში მოხვდა და გუშინ გარდაიცვალა“, – განაცხადა კლინიკის დირექტორმა “ქრონიკასთან” საუბრისას.

ცნობისთვის, “მედკაპიტალის” ექიმი, რომელსაც 2 კვირის წინ კორონავირუსის საწინააღმდეგო აცრა ჩაუტარდა, გარდაიცვალა.

ექიმი 26 მარტს  ჩაფიძის კლინიკაში გულისა და სუნთქვის მწვავე უკმარისობით მოათავსეს. პაციენტი 30 მარტს გარდაიცვალა.