როდესაც არ შეუშვეს სახალხო დამცველი ნინოწმინდაში, შემდეგ უკვე სხვები ჩაერთნენ, გაგვახსენდა კანონი. პიროვნულმა ურთიერთობამ გამოიწვია ის, რომ საკითხი გახდა ყველას სალაპარაკო, – ამის შესახებ მეუფე იაკობმა განაცხადა.
„თუ რამე ფუჭდება, უნდა გამოვასწოროთ და დროზე აღვკვეთოთ. რომ იცოდეთ, მე ის ადამიანი ვარ, რომელიც წინააღმდეგია ასეთი პანსიონების, რადგან იჩაგრებიან, ბავშვებს სახლში უნდათ და რომ ეტყვი, აქ გინდა თუ დედიკოსთან და მამიკოსთანო, სახლში ენდომება. ცოდოები არ არიან ასე? მაშინ ოჯახებს გადაუხადონ ფული. მეუფე სპირიდონს უნდოდა, იქ ქართულ სიტყვას და ქართულ სულს ეცხოვრა, მაგრამ არიან ადამიანები, რომლებიც შორს ვერ იყურებიან. დამნაშავე ვინც არის, ბოლომდე უნდა დაისაჯოს. ცოდო არ არის ბავშვი, თუ არ ექცევი ისე, როგორც უნდა ექცეოდე? თუ ვინმე დამნაშავეა, ყველას საეკლესიო თუ საერო კანონის შესაბამისად ორივე კანონი უნდა მივუსადაგოთ“, – განაცხადა მეუფე იაკობმა.
