თუ თქვენ დააკვირდებით „ედისონ რისერჩის“ ბოლო კვლევას პრაქტიკულად საქართველოს მოქალაქეების 60 პროცენტზე მეტს უნდა ცვლილება და სურს, რომ ხელისუფლება შეცვალოს – ამის შესახებ ვახო ხუზმიაშვილის საავტორო გადაცემა „თავისუფალ სივრცეში“, „ემსახურე საქართველოს ერთ-ერთი ლიდერი“ მურმან დუმბაძე საუბრობს.

მან „ქართული ოცნების“ მაჟორიტარი დეპუტატობის წარდგენილ კანდიდატებზე ისაუბრა.

„თუ თქვენ დააკვირდებით ედისონ რისერჩის ბოლო კვლევას პრაქტიკულად საქართველოს მოქალაქეების 60 პროცენტზე მეტს უნდა ცვლილება და სურს, რომ ხელისუფლება შეცვალოს და იხილოს ახალი მთავრობა, ეს არის ჩვეულებრივი ამბავი. ასე, რომ განსაკუთრებული სიახლე ვერ შემოგვთავაზა ბიძინა ივანიშვილმა და პირდაპირ უნდა გითხრათ, რომ პოლიტიკური რესურსი და ადამიანური რესურსებიც ამოწურული აქვს. მე მგონია, რომ ივანიშვილი პოლიტიკიდან წასვლას აპირებს, ასე მეჩვენება და ასე ვხედავ. ამ 30 ადამიანიდან დამისახელეთ ერთი მაინც ვინც ოპოზიციაში ოდესმე იყო? ვოლსკი იცის ნახევრად. 2020 წლის 31 ოქტომბერს მოდის ახალი ხელისუფლება და მოდის ახალი პარლამენტი“, – განაცხადა მურმან დუმბაძემ, ვახო ხუზმიაშვილის საავტორო გადაცემა „თავისუფალ სივრცეში“.