იძინა ივანიშვილი გააგრძელებს იგივეს, რასაც 2011 წლამდე აკეთებდა, – ამის შესახებ საქართველოს პარლამენტის თავმჯდომარის მოადგილემ, დავით სერგეენკომ “რუსთავი 2-ის” ეთერში განაცხადა.

მისივე თქმით,  ბიძინა ივანიშვილის გადაწყვეტილება საბოლოოა და მესამედ აღარ დაბრუნდება.

“ბიძინა ივანიშვილი წასვლით უბრუნდება პოლიტიკამდე, 2011 წლამდე მდგომარეობას. 2011 წლამდე არ ნიშნავდა, რომ ის ჩამოშორებული იყო თავისი ქვეყნის ცხოვრებისაგან და გული არ შესტკიოდა ვინმეზე და არ მონაწილოებდა ქვეყნის მშენებლობაში. მე ვფიქრობ, რომ ბიძინა ივანიშვილი გააგრძელებს იგივეს, რასაც 2011 წლამდე აკეთებდა.

რაც შეეხება ბიძინა ივანიშვილის პოლიტიკაში მესამედ დაბრუნებას, ჩემთვის ამ კითხვაზე პასუხის გაცემა რთული იქნება. უბრალოდ, ფორმალური, თეორიული ნათქვამია, რომ არასოდეს უნდა თქვა არასოდეს. თუმცა, მე ვფიქრობ, ეს მისი საბოლოო გადაწყვეტილება იქნება”, -აღნიშნა “დღის კურიერში” დავით სერგეენკომ.

შეგახსენებთ, რომ დღეს, 11 იანვარს ბიძინა ივანიშვილის მიერ გავრცელებული საჯარო წერილიდან ცნობილი გახდა, რომ ის პარტიის თავმჯდომარის პოსტს ტოვებს და პოლიტიკიდან მიდის.

16 იანვარს „ქართული ოცნების“ ყრილობა გაიმართება, სადაც თავმჯდომარეს აირჩევენ.

„ქართული ოცნების“ პოლიტსაბჭომ პარტიის თავმჯდომარის პოსტზე ირაკლი კობახიძის კანდიდატურა ოფიციალურად წარადგინა