„ტვ პირველის“ ეთერში გარდაცვლილი პროგრამისტის, თამარ ბაჩალიაშვილის დედამ შვილის მეგობარზე, დეა კაპანაძეზე ისაუბრა.
თეონა თამაზაშვილის თქმით, ნამდვილი მეგობრები არ იქცევიან ისე, რაც მისი შვილის უახლოესმა და განუყრელმა მეგობარმა გააკეთა.
„თამუნას გარდაცვალების შემდეგ რამდენიმე ადამიანის მიმართ შემეცვალა შეხედულება. სხვანაირად გამოავლინეს თავი. მეგობრები ისე არ იქცევიან, როგორც თამუნას მეგობარი, დეა კაპანაძე მოიქცა.
დასაფლავების დღეს არც კი იკადრა მანქანიდან გადმოსვლა, საუკეთესო და განუყრელი მეგობრის დატირებაზე ზედმეტია საუბარი. გაიჯახუნა კარი და იმის მერე აღარც გამოჩენილა.“ – განაცხადა თეონა თამაზაშვილმა.
შეგახსენებთ, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 4-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.
ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.
