მექსიკაში 2020 წელს 19 ჟურნალისტი მოკლეს. ეს ბოლო 10 წლის განმავლობაში მექსიკაში ჟურნალისტების მკვლელობის ყველაზე მაღალი მაჩვენებელია. ინფორმაციას DW ავრცელებს.
2019 წელს ეს რიცხვი 17 იყო. ადამიანის უფლებათა დაცვის კუთხით შინაგან საქმეთა მინისტრის მოადგილის, ალეხანდრო ენსინასის განცხადებით, მექსიკაში 2010 წლის შემდეგ მედიის 138 წარმომადგენელია მოკლული.
შეგახსენებთ, რომ მექსიკა ჟურნალისტებისთვის მსოფლიოში ყველაზე საფრთხის შემცველ ქვეყნად ხშირად არის მოხსენიებული.
ყველაზე სახიფათო შტატებად სონორა, გუერერო, ვერაკრუზი და მიჩოაკანი სახელდება.
