ჩვენ არავის მივცემთ საშუალებას რადიკალიზაციის, ვინაიდან ეს არ არის ჩვენი მოქალაქეების დაკვეთა, – ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა ოპოზიციის მიერ დაანონსებულ „ცხელ გაზაფხულზე“ საუბრისას განაცხადა.
ოხანაშვილის თქმით, ოპოზიციის მიერ რადიკალიზაციისკენ მიმართული ქმდებები კრახისთვის არის განწირული.
“მერამდენე „ცხელ გაზაფხულს“ გვიანონსებენ? ბოლოს თვითონ რჩებიან ხოლმე ცივ ზამთარში. ასე რომ, ეს პროცესი, რომელსაც ისინი აგრძელებენ რადიკალიზაციისკენ და ექსტრემიზმისკენ არის კრახისთვის განწირული და ასეც დასრულდება”, – განაცხადა ოხანაშვილმა.
