მესტიის მუნიციპალიტეტ სოფელ ბეჩოსთან, ცენტრალურ გზაზე მდებარე ხიდთან ჩამოწოლილი მეწყერის გამო მოძრაობა დილიდან აიკრძალა.
ადგილობრივების თქმით, ადგილზე სამი ტრაქტორი მუშაობს, რათა უსწრაფეს დროში აღდგეს მოძრაობა.
მესტიის მერი კაპიტონ ჟორჟოლიანი მომხდართან დაკავშირებით ინფორმაციას არ ფლობდა, თუმცა აღნიშნა, რომ გზაშია.
მოსახლეობის ცნობით, გზაზე ჩამოწოლილი მეწყერი მუნიციპალიტეტში გახშირებულ წვიმებს უკავშირდება. სინოპტიკოსები ჯერ გამოდარებას არ ელოდებიან.
ავტორი: თეა შონია
