ძლიერი წვიმის შედგეგად, მულახის ადმინისტრაციულ ერთეულში, სოფელ ჟაბეშში, რამდენჯერმე ადიდდა ღელე, რომელმაც საფრთხე შეუქმნა ადგილობრივ მოსახლეობას.
დაზიანდა სოფლის შიდა გზები და ხიდი. ადგილზე მუშაობს მძიმე ტექნიკა და ინტენსიურ რეჟიმში ხდება ღელის განტვირთვა. ამ დროისთვის კლავ არსებობს მეწყრული პროცესის გააქტიურების საფრთხე.
უშგულის თემში, სტიქიამ სოფელ მურყმელსა და ჩაჟაშს შორის გზის 100 მეტრიანი მონაკვეთი სრულად გაანადგურა, ამ დროისთვის შეუძლებელია აღნიშნულ სოფლებს შორის ტრანსპორტით გადაადგილება.
ჭუბერის ადმინისტრაციულ ერთეულში, ადიდებულმა მდინარე დევრამ დააზიანა შიდა სასოფლო გზები და ხიდი.
უშგულის თემის რწმუნებულის ინფორმაციით,მიმდინარეობს სტიქიის საპრევენციო სამუშაოები,რის შემდეგაც დაზიანებული ინფრასტრუქტურის აღდგენა დაიწყება.
ავტორი: თეა შონია
