„ამ თამაშზე დაშვებული რომ ყოფილიყო, მეც იქ ვიქნებოდი მათთან ერთად, მაგრამ ეს სამწუხარო რეალობაა“,- ამის შესახებ პრემიერ-მინისტრმა, გიორგი გახარიამ საქართველო-ბელარუსის მატჩის ჩატარებასთან დაკავშირებით განაცხადა.
როგორც იგი ამბობს, სტადიონზე ამდენი ადამიანის შეკრება რისკის შემცველი იქნება.
„სამწუხაროდ, უნდა ვაღიარო, რომ ჩვენი ფეხბურთის გულშემატკივრები უფრო მეტი პასუხისმგებლობით არიან აღჭურვილნი, ვიდრე ბევრი პოლიტიკოსი. პოლიტიკოსები მაგალითი უნდა იყვნენ სხვებისთვის, რაც რთული არ არის. ზოგიერთი პირიქით გამაღიზიანებლად აკეთებს. ამას არჩევნების დღეს შეაფასებენ ამომრჩევლები, მთავარია ამან ეპიდემიოლოგიურად არ გაგვირთულოს მდგომაროება.
მე მესმის, მათი გულგატეხილობა. მეც ასე ვარ. ამ თამაშზე დაშვებული რომ ყოფილიყო, მეც იქ ვიქნებოდი მათთან ერთად, მაგრამ ეს სამწუხარო რეალობაა. მე დარწმუნებული ვარ, ფეხბურთელების მოტივაცია უფრო მეტი იქნება გამარჯვებისთვის“,- განაცხადა გიორგი გახარიამ.
ცნობისთვის, საქართველო – ბელარუსის მატჩი მაყურებლის გარეშე ჩაივლის.
