ახალქალაქის, კუმურდოსა და კარის მიტროპოლიტის, მეუფე ნიკოლოზსი თქმით, მან და მთავარეპისკოპოსმა სპირიდონმა მიიღეს გადაწყვეტილება, რომ სოცმუშაკები პანსიონში რამდენიმე დღის განმავლობაში დარჩნენ, რათა გაირკვეს ბავშვებიდან ვის უნდა წასვლა და ვის დარჩენა.
“ისევ უნდა შევიდე პანსიონში და დავესწრო შეხვედრას. ბავშვებს ვესაუბრებით. სოციალურ მუშაკებს ასეთი ამოცანა აქვთ – გაარკვიოთ ამ ბავშვებიდან ვის აქვს სურვილი, დატოვოს ეს პანსიონი, ან ვის არ აქვს. ოღონდ, ეს მხოლოდ ბავშვზე არ არის დამოკიდებული, სად უნდათ წასვლა ესაა მთავარი. ჩვენ გადავწყვიტეთ, რომ სოციალური მუშაკები პანსიონში რამდენიმე დღე დარჩნენ და გაიცნონ ეს ბავშვები ამ პერიოდში. ამ წუთას კომისიის წევრებისა და ყველა ბავშვის ერთობლივი შეხვედრა მიმდინარეობს,” – განაცხადა მიტროპოლიტმა ნიკოლოზმა.
