საქართველოს განათლების მინისტრის განცხადებით, ქუთაისის საერთაშორისო უნივერსიტეტი ვერ იარსებებდა რომ არა ბიძინა ივანიშვილისა და მისი ოჯახის ქველმოქმედება.
„ქუთაისის საერთაშორისო უნივერსიტეტი არის მსოფლიო სტანდარტების მქონდე ჭეშმარიტად ევროპული უნივერსიტეტი. ამ უნივერსიტეტის იდეის ავრორი და კონცეფციის განმავითარებელი გახლავთ ბიძნა ივანიშვილი. ამ რანგის და ამ მასშტაბის უნივერსიტეტი საქართველოში ვერ იარსებებდა, რომ არა ბატონი ბიძნა ივანიშვილის და მისი ოჯახის უაღრესად მნიშვნელოვანი ქველმოქმედება, რომელიც შეადგენს ერთ მილიარდ ევროს,“ – განაცხადა მიხეილ ჩხენკელმა.
მან სასწავლებლის საგანმანათლებლო პროგრამებზეც ისაუბრა და განაცხადა, რომ ქუთაისის საერთაშორისო უნივერსიტეტის აკადემიური პროგრამების დაფუძნებულია მიუნხენის ტექნიკური უნივერსიტეტის აკადემიურ პროგრამებზე.
„ეს ნიშნავს, რომ სტუდენტები ისწავლიან ზუსტად იმ პროგრამებით რითაც მათი თანატოლები სწავლობენ მსოფლიოს ერთ-ერთ წამყვან უნივერსიტეტში. ეს არის გარანტია იმის, რომ ქუთაისის საერთაშორისო უნივერსიტეტისკურსდამთავრებულები იქნებიან კონკურენტუნარიანები მსოფლიო ასპარეზზე,“- განაცხადა მინისტრმა.
უმაღლეს სასწავლებელში, რომელიც 60 ათას სტუდენტზეა გათვლილი, დარეგისტრირებული 1112 აბიტურიენტიდან სწავლას 246 პირველკურსელი ბაკალავრიატის სამ ინგლისურენოვან პროგრამაზე: მენეჯმენტი, მათემატიკა და კომპიუტერული მეცნიერება, სწავლობს.
ავტორი: კესო მოლაშხია
