„ის არის უცხო ქვეყნის მოქალაქე და მას საარჩევნო კანონმდებლობის მიხედვით ეკრძალება საარჩევნო კამპანიაში მონაწილეობა“, – ამის შესახებ ISFED-ის აღმასრულებელმა დირექტორმა, ელენე ნიჟარაძემ განაცხადა.
როგორც იგი ამბობს, სააკაშვილის მონაწილეობა კამპანიაში საარჩევნო კოდექსის დარღვევას წარმოადგენს.
„ასეთ საკითხებს განიხილავს ცენტრალური საარჩევნო ადმინისტრაცია, როცა არაუფლებამოსილი პირის მონაწილეობას ეხება საკითხი, თუმცა იქიდან გამომდინარე რომ ის საქართველოში არ იმყოფება, საარჩევნო ადმინისტრაცია ვერ ახდენს აღსრულებას, რომ შეადგინოს ადმინისტრაციულ სამართალდარღვევათა ოქმი, მისი აღსრულება არის შეუძლებელი. შესაბამისად ერთადერთი ალტერნატივა ის არის, რომ პოლიტიკურმა პარტიამ უზრუნველყოს უცხო ქვეყნის მოქალაქეებმა არ მიიღონ მონაწილეობა არჩევნებში. ვგულისხმობ ამ შემთხვევაში „ძალა ერთობაშიას“, ვისი სახელითაც ის აწარმოებს კამპანიას“, – განაცხადა ელენე ნიჟარაძე.
ცნობისთვის, „ნაციონალურმა მოძრაობამ“ მიხეილ სააკაშვილის პრემიერ-მინისტრის კანდიდატად წარადგინე. ამასთან, პარტიამ დაიწყო კამპანია „დაავალე მიშას“.
