სპეციალურად დაგეგმილი პროვოკაცია “ნაციონალური მოძრაობის” მხრიდან – ასე აფასებს მმართველი გუნდი მიხეილ სააკაშვილი საქართველოში ჩამოსვლასთან დაკავშირებით მორიგ განცხადებას.
“ქართულ ოცნებაში” კიდევ ერთხელ ამბობენ, რომ თუ ქვეყნის ყოფილი პრეზიდენტი დაბრუნდა – კანონი აღსრულდება და მიხეილ სააკაშვილი ციხეში აღმოჩნდება.
“მათ [ოპოზიციას] ერთადერთი მაშველი რგოლი, ისევ და ისევ, მიხეილ სააკაშვილი ჰყავთ, რომელმაც გაავრცელა განცხადება, თითქოს და ჩამოსვლას აპირებს, ეს მერამდენე ჩამოსვლაა, ვეღარავინ მოთვლის. ისეთ მხდალ ადამიანს, როგორიც მიხეილ სააკაშვილია, ამისი გამბედაობა, რა თქმა უნდა, არ ეყოფა, ის, უბრალოდ, აწყობს რეალითი შოუს 2 ოქტომბრისთვის, რომ გაართოს თავისი მხარდამჭერები და რომ კიდევ ერთხელ მოატყუოს და გაუცრუოს იმედები.
თუ მაინც სძლია საკუთარ სიმხდალეს და რაიმე შანსი დაინახა აქ ჩამოსვლის, მას ციხის კარი ელოდება და მართლმსაჯულება იზეიმებს“, – განაცხადა დავითულიანმა.
ექსპრეზიდენტმა სოციალურ ქსელში 2 დღის წინ თბილისში ჩამოსვლის თარიღი დააკონკრეტა და 2 ოქტომბერს, კიევი-თბილისის რეისზე გაკეთებული ჯავშნის ფოტო გაავრცელა.
