„მიხეილ სააკაშვილს, ფაქტობრივად, ტყვედ ჰყავს აყვანილი პატარა პარტიები, რომლებსაც ხელისუფლებაში მოსვლის შანსი არ მისცემიათ და არც მომავალში მიეცემათ“,- ამის შესახებ „ქართული ოცნების“ წევრმა, ბექა დავითულიანმა განაცხადა.

კითხვაზე, არის თუ არა მიხეილ სააკაშვილი ის პიროვნება, რომელსაც მარტო შეუძლია „ქართული ოცნების“ დამარცხება, ბექა დავითულიანმა უპასუხა:

„ამ არჩევნებზე „ქართულმა ოცნებამ“ მიიღო 48%, „ნაცმოძრაობამ“ 27%. ეს უკვე ნიშნავს, ვინ ვისი დამმარცხებელია. რაც შეეხება მიხეილ სააკაშვილის ფაქტორს, როგორც ყოველთვის, ის არის დესტრუქციული ფაქტორი, რომელსაც, ფაქტობრივად, ტყვედ ყავს აყვანილი პატარა პარტიები, როლებსაც მისი ხელისუფლების პირობებში არასდროს არაფრის შანსი მისცემიათ და არც მომავალში მიეცემათ“,- განაცხადა ბექა დავითულიანმა.